بسم الله الرحمن الرحيم
السلام عليكم ورحمة الله وبركاته
مرحبا بالجميع
عندي لكم سر خطير
بس بقول لكم السالفه قبل
سمعت من البنات في القسم يمدحون الكيك فاونديشن من BN
وان تغطيته رهيبه خصوصاً للسهرات و الأعراس
وبصراحه شريته و جربته
و تغطيته وااااايد قويه ،، مهما كانت العيوب بوجهك
يغطيها وما يحتاج كونسيلر ..
و يكون فاتح على البشره بس بطريقه حلوه ،، يعني ما يبين مصطنع ..
السالفه وما فيها اني جربت احطه بدون بودره ،، ومرات احط فوقه بودرة كانيبو ،، ماك ،، جيرلان
لوس باودر
تلتهت ،، تعبت ،، تدرون ليش؟؟!!
اللي تستخدمه بتعرف ليش
اول ما تحطينه يكون حلو و روعه ،، بس بعد بفتره تحسينه تلخبط ،، ساح و تشقق ،، وتطلع خطوط عند الفم و تحت العين
حتى منظر الانف يطلع وع وع .. كأن فيني رؤوس سوداء وهالمشكله انا ماعني منها ..
قلت يا ان الفاونديشن فيه شي غلط او انا ماعرفت له ..
عندنا خبيرة تجميل في قطر وبدون ذكر اسماء معروفه انها تستخدمه لزباينها ..
الحين بتجيكم السالفه ...
يوم العيد كنت حاطه الكيك فاونديشن من BN
و بودرة كانيبو ما طاحت من يدي كل شوي مطلعتها و اعدل بويهي
خبيرة التجميل كانت موجوده ..
سئلتها قلت لها انتي تستخدمين BN وبنات عروس قالوا لي انج تستخدمينه و يمدحونه وايد
:dd:عاد يحليلها استانست وايد انكم تعرفونها ..
المهم قلت لها ما تلاحظين انه يتشقق ويخرب و يسيح
جاتكم السالفه
تقول انها لما بدت تستخدمه ،، اول شي يطلع حلو بس بعدين البنات اللي تتعامل معاهم دوم
يقولون لها انه بعد فتره يخرب ويصير شكله يفشل ..
واهي ما كانت عارفه شتسوي ،، و مفتشله
بيوم جاتها بنت حاطه بويها فاونديشن
قالت لها ليش؟؟ انا بحط لج
قالت لها اي اوكي حطي فوقه
لأنه يثبته ..
و صارت تستخدم هالطريقه لكل زباينها والحمدلله كلهم مرتاحين لها ومستانسين
بس هي ما توريهم شتحط ،، عشان ما تكشف سرها
عاد انا قلت لها بقول لبنات عروس ،، قالت اوكي قولي لهم
تبون تفهمون السالفه الحين
اول شي جيبي سمر كيك
تعرفونه اللي علبته حمرا
بتقولون يدمر البشره ..
انا اقول لكم السمر كيك ،، والـ BN يدمرون البشره في الاستخدام المتكرر
لأنهم وايد ثقال
و هالطريقه نبي نستخدمها للمناسبات ، بس انتبهوا بعد المناسبه تنظفونه بعمق وعدل
تجيبين اسفنجه مبلله و تحطين السمر كيك عادي بس طبقه خفيفه اوكي
انتظريها لين تنشف
وحطي طبقه من الكيك فاونديشن من BN
لما ينشف كملي مكياجج عادي تحطين بودره او لا ..
بنااااات انا جربت هالطريقه وكانت روووووووووووعه
تخيلوا من الوناسه حاطه الأساس من العصر ،، صار الليل وسافرت و وصلت دبي وصار نص الليل والأساس على حاله ما تغير ابد.. كأني توني حاطته
اتمنى اكون افدكتم واللي ما تعرف الطريقه تجربها وتدعي لي
وهالطريقه غالباً يستخدمونها للعرايس
بس امانه بنات هالطريقه خلوها للمناسبات لأن السمر كيك و الـ BN وايد ثقال
مو تستخدمونهم كل يوم و بشراتكم تتدمر و تدعون علي
اللهم اني بلغت
الرئيسية